~*¤ô§ô¤*~*¤ô§ô¤*~هدهد سباء~*¤ô§ô¤*~*¤ô§ô¤*~
بالله يـا هدهـد سبـاء * بلغ لبـو قشعـم نبـاء
ارحم مولـع بالضبـاء * تايه يبا مـن يستشيـر
قله نبـا منـه جـواب * وصفه لمن قلبه مصـاب
بين الخطايا والصـواب * الموقف اصعب من خطير
سهران ليله مـا يبـات * بسباب سيـد الغانيـات
ما شفت مثلـه بالبنـات * من بينهن مالـه نظيـر
حوث على قلبي وحـاث * كالطفل برجا البيت عاث
كسر دروجـه والاثـاث * الله يا الطفـل الضغيـر
محـلاه لا منـه هـرج * والهرج بالفكـر امتـزج
والقلب للقلـب اندمـج * والكف بالكـف الحريـر
من نظرته تشفا الجراح * برموشه انواع السـلاح
من مبسمـه بـراق لاح * والخشم كالسيف الشطير
بين اخوته فرخ الفـروخ * وبقامته معنى الشمـوخ
ولهيبته تخضع شيـوخ * اميـر بالمعنـى اميـر
خذ مني العلـم الاكيـد * وحيد من دونـه وحيـد
فريـد بوصافـه فريـد * ما شفت مثلـه ياخبيـر
عـذب فـوادي وستلـذ * يومه يعـذب مـا اخـذ
ياخوك انا صبـري نفـذ * والقلب كالطير الكسيـر
عايش بوهم الانتصـار * والحض سوُالي حصـار
امشي وخطواتي قصـار * تايه ولا ادري وين اسير
لامـر طاريـه وفــز * القلب قـز القـاع قـز
وتهزنـي لشـواق هـز * ونا كمـا حـال الاسيـر
ما عاد بالوضع التبـاس * حطيت له مبنى وسـاس
عسكرت له كل الحواس * حـراس بوابـة وزيـر
حبه بدم الجسـم طـاش * يجري مع دمي وعـاش
وكرات دمي له فـراش * والقلب للغالـي سريـر
سلام له مرصوص رص * سلام له مخصوص خص
ان زاد ولا مـا نقـص * سـلام للبـدر المنـيـر
ما كان لي منه غـرض * لولاه بالدرب اعتـرض
ملامحه تشفي المـرض * نسايمـه مثـل العبيـر
من نظرته عقلي اختبـط * والدم كن ضغطه هبـط
قلت الغلط ويـن الغلـط * قال الغلط عادك غريـر
من بالهوا قلبـه نهـظ * سابع محـال ان يتعـظ
درسي لمثلـك ينحفـظ *والحض شف دوره كبير
ياشين لحضات الـوداع * اتذكره فـي كـل سـاع
وتضيق بعيوني الوساع * ويهلن الدمـع الغزيـر
قصايد الشاعـر بـلاغ * الشعر ما جا من فـراغ
الشعر من وحي الدمـاغ * وحساس شاعر بالاخيـر
انـا المولـع بالوليـف * والمولعي قلبه ضعيـف
مخلوق في طبعه شريف * والجرح هو جرح العشير
من بعده القلب احتـرق * ولا معي غيـر الـورق
اسوق ما الهاجس نطق * عل وعسى يشفي الظرير
الشعر مفتـاح الضنـك * تشكي وغيرك يسمعـك
مثـل المهـدي ينفعـك * حتى ولو وقتـه قصيـر
مهما جرا مهما حصـل *عايش على خط الامـل
حتـى يوافينـي الاجـل * نهاية العمـر المصيـر
لولاه ما اتعبـت القلـم * لولاه ما الهاجس نضـم
هذاك وصفه مـن عـدم * مـا يلتقـا منـه كثيـر
صدفه على بـر الامـان * عينـت مجلـي الثمـان
سقاك يـا ذاك المكـان * عساك من وبلـه مطيـر
صابت فوادي الجالسـه * مولى العيون الناعسـه
بالعصر بعـد الخامسـه * صدفه على جال الغديـر
غديـر منـه يشـربـو* عطشان ابا مـا ياحلـو
قالت تـرى حنـا بـدو* والبدوا ماهم وسط زيـر
غايت منـاي ومطلبـي * اشرب من الي تشربـي
مشكور يا شبه الضبـي * مشكور يالوجه الخضير
موضوع: هدهد سباء 
الجمعة سبتمبر 19, 2008 7:31 am
