رمضانيه

سجل علامات القيامه .. يـا سلطـان
اربوعنا .. تكفر .. وما مـن ملامـه
هم طالقين ابطيشهـم .. كـل العنـان
واعّقلهم اللـي ملعنيـن .. انفصامـه
وتناقص الطاعه من اطبـوع الانسـان
والمّوت فجأه .. والذنـوب .. اترامـه
ما ننثني للـرب .. والـرب غضبـان
وانّتاجها .. كوس(ن) غثيث.. الـتمامه
وتراخي الايمان .. مـن زود الادمـان
على دروب .. الصعلكـه .. والعتامـه
والعقل يابس .. والتحاسيب .. شيـان
اما علوم العقـل .. والا ( انهدامـه )
ياخي تفنى .. في حياتك علـى شـان
تحفظ وقار الجسـم .. يـوم احتدامـه
جنّب تفاهـات الطفولـه .. والّلسـان
واسلك دروب المسلميـن .. النشامـه
والرب له علـم(ن) وينظـر بالاعيـان
ولا يرتفع راسك .. وتعصـي كلامـه
وسّع مجالك واعبده قـدر .. الامكـان
واذكر جلالـه .. وانّثنـي لـحترامـه
هذا وانا عنـدي .. قناعـه إلـى الان
ان العقل شعب(ن) وصعـب انسجامـه
يجمّد الافكار فـي .. بعـض الاذهـان
ويخلط حلال الشيء .. ويـا حرامـه !
لذا توخى .. بطّشهم .. كـل الاحيـان
وابّعد عن اشرور الشعـوب وسلامـه
لله عفـوك واتعـوذ مــن الـجـان
واستغفر الله مـن فعـول .. الرخامـه
يا خالقـي لطفـك .. علينـا وتحّنـان
وارجـوك نـوّر .. للعقـول الغشامـه
هذا وهـو شهـر المحبـه والايمـان
بعـض الاوادم مـا تحشّـم مقـامـه
تضحك .. على منهو يصومه باتقـان
وعلى الـذي حاسـب ليـوم القيامـه
يا وخز قلبي وخـزت الجـرح بجّنـان
اللي سببهـا .. فعّلتـه .. وابتسامـه
شـوف النواظـر والبـلا قبـل الاذان
ياكل ويشرب .. ما درا عن صيامـه!
هذا الكبير اللـي بـه العقـل ميـزان
يمشي .. وراه الجهـل مثـل الغمامـه
والجاهـل اللـي مـا يميـز بالالـوان
واللي بدا يكبـر .. بجسمـه عظامـه
يصومه ويطلب مـن الـرب الاحسـان
ويغفر له اذنوبـه .. ويجلـب مرامـه
سجّل علامات القيامه .. يـا سلطـان
صغيرنـا يفّهـم .. وحنـا .. رخامـه