شي امتــــلى لاعلاه مايقبل الزود
ايفيض لاكثرت عليه الزوايـــــد
وصاحب مع الاصحاب مايمسك اعهود
لاخير فيه ولا يعرف العوايد
واللي يبس ميت ومن مات مايعود
عزي لحال اللي ايريده سنايد
وا لصبر زين وراعي الصبر موعود
ثنتين يكسبها وفيها فوايد
يكسب جميل وياخذ الحق مشهود
هذي حقيقه قلتها من شهايد
وكل عــــــــــد لابده من الخلق مورود
واللين ماياتي بليا شـــــــــــــدايد
والعمر فألدنــــــــــــــــيا مقرر ومحدود
له وقت لاينقص ولايسير زايد
ودنياك هذي بين طارد ومطرود
واللــــــــــــــي جديد اليوم فاالغد بايد